Eit liv for folkekulturen

”Ja, det er Egil Bakka… intervju… nei, det blir nok vanskeleg no, eg sit på Kastrup.”. Å få til eit intervju med ein så travel person som Egil Bakka er ikkje enkelt... Første gong BUNAD forsøkte å få tak i han var han på veg til Tyrkia til dommargjerning på ein folkedansfestival. Det var andre gongen i år han var i Tyrkia. Første gong heldt han forelesning på universitetet i Izmir, akkurat som han tidlegare i år også har halde forelesningar på universitet i England og Frankrike. Da han så kom tilbake frå Tyrkia, var han berre heimom som snarast før vegen vart sett til Sheffield og konferanse i ITCM – International Council of Traditional Music der han har sete i styret sidan 1999.